Helburu nagusiak

  • Euskal Herriko emakume nagusi eta pentsioniston eskubideen aldeko borrokan eta emakume nagusiok lan munduan pairatzen ditugun indarkeria mota guztien aurrean erreferente bat izatea.
  • Emakume nagusiok jasan behar ditugun pobrezia, bakardadea, diskriminazioa, indarkeria matxista eta ahanztura salatzea, eta baita egoera horiek gainditzera bideratzen ez diren baliabide eta zerbitzu publikoak aldarrikatzea ere.
Genero arrakalak gure pentsioengan sortzen duen injustizia soziala ikustaraztea.

  • Emakume guztientzat pentsio duinak aldarrikatu.
  • Emakume nagusiak pobreziaren mugan bizitzera ekarri gaituzten egoera historikoak eta gaur egungoak salatu.
  • 65 urtetik gorako pertsona guztientzat pentsio unibertsalak aldarrikatu. Pentsio duinik gabeko emakumerik, ez! 65 urtetik gorako emakume guztientzat 1080€ko pentsioa.

Emakume nagusiek pairatzen duten genero indarkeria mota guztiak ikustaraztea:

  • Euskal Herrian milaka emakumek bizi dituzten bakardade eta baztertze egoerak salatu.
  • Informazio eza, infantilizazioa eta instituzioen indarkeria salatu.

Emakume nagusiok pairatzen dugun indarkeria instituzionala salatzea:

  • Zerbitzu sozialak, askotan, eskuraezinak bihurtzen dira, kostu ekonomikoa dela eta.
  • Baliabide publikoak jasotzeko zailtasuna eta informazio eza dago.
  • Zerbitzu publikoak jasotzeko eragozpen burokratikoak aurkitzen ditugu.
  • Zerbitzu eta baliabide publikoak eskuratzeko orduan, Administrazioaren aldetik eskaintzen den informazioa eskasa da.

Emakume nagusiek Euskal Herrian bizi dituzten errealitate ezberdinak aztertzea:

  • Emakume profesionalak, soldatapekoak, autonomoak, alargunak, baliabide ekonomikorik gabekoak, baserritarrak, arrantza arlokoak, indarkeria jasan duten emakumeak, presoak, erbesteratuak, migranteak, etnia minorizatutakoak, aniztasun funtzionala duten emakumeak, sexu langileak, erlijio-ordenetako emakumeak...
  • Gure helburu eta lanak errealitate ezberdinetara egokitu.
  • Bizitza eta zahartzaro duinak aldarrikatu.

Emakume nagusien menpekotasun eta autonomia eza egoerak aztertzea:

  • Eskura dituzten baliabideak, horiek eskuratzeko aukerak, norberaren autonomia errazteko baliabideak, beste herrialdeetako errealitatearekiko konparaketak.

Emakume nagusien parte-hartze politikoa aldarrikatu eta bultzatzea:

  • Parte hartze-bideak erraztu.
  • Genero gaiak lantzen diren erakundeetan parte hartu: Emakunde, Diputazioak, Udalak, Pertsona Jubilatu eta Nagusien Egoitzak.
  • Hedabideen aurrean, ahots propioa aldarrikatu.

Garrantzizko
aldarrikapenak

  • Emakume nagusien pobrezia salatu.
  • 65 urtetik gorako emakume guztientzat eguneroko bizitza duina bermatuko duen pentsioa aldarrikatu.
  • Emakume nagusien aurkako indarkeria salatu.
  • Informazio eza, infantilizazioa, Instituzioen indarkeria salatu.
  • Euskal Herriko emakume nagusien errealitate anitza ikustarazi.
  • Zahartzaro duina: Menpekotasunik gabekoa eta autonomoa.
  • Emakume nagusiak = subjetu politikoak.
  • Emakume nagusien ahotsa aldarrikatu.
  • Heriotza duina izateko eskubidea.
Scroll to Top